🎄 Жаңа жылдық ертегі – 58 мектепте 🎄 №58 жалпы білім беретін мектепте 1–4 сынып оқушыларына арналған көңілді де әсерлі Жаңа жылдық кеш өтті. Кішкентай бүлдіршіндер Аяз ата мен Ақшақарды қарсы алып, мультфильм кейіпкерлерімен бірге ән айтып, би билеп, түрлі қызықты ойындарға қатысып, жаңа жылдық көңіл күйге бөленді. Балалардың жүзіндегі қуаныш пен шаттық – мерекенің ең үлкен сыйы болды 🤍 ✨ Жаңа жыл барша бүлдіршіндерге бақыт, денсаулық, білімге құштарлық пен жарқын болашақ әкелсін!

🎉 Құттықтаймыз! 🎉 9 «Ә» сынып оқушысы Шакаров Ахмадты жетістігімен шын жүректен құттықтаймыз! Бұл жеңістің артында қажырлы еңбек, табандылық және үлкен қолдау тұр. 💪 Әкесі әрі жеке тренері — Кусанов Қуаныштың еңбегі мен кәсіби шеберлігі — ұл жетістігінің берік негізі. Әке мен баланың бір мақсатқа ұмтылған бірлігі — нағыз үлгі! 🏆 Алдағы жарыстарда да биік белестерді бағындырып, жаңа жеңістерге жете беруіне тілектеспіз! ✨ Жарайсыздар! 👏 Мектебіміздің мақтанышы!

Қалалық слет – көшбасшылар алаңы ✨ Алматы қаласында өткен «Мен көшбасшымын» атты мектеп және студенттік парламенттері көшбасшыларының қалалық слетінде белсенділігімен, көшбасшылық қабілетімен көзге түскен 🎓 10 «Ә» сынып оқушысы Нурбаева Муслима мадақтамамен марапатталды. Бұл слет – жас көшбасшылардың тәжірибе алмасып, өз идеяларын ортаға салып, болашаққа нық қадам жасауына үлкен мүмкіндік болды. Муслиманы жетістігімен құттықтаймыз! Алдағы уақытта да биік белестерден көріне беруіне тілектеспіз 🌟

Жетістігімді ұстазыма арнаймын! Әр жетістіктің артында үлкен еңбек пен ұстаздың сенімі тұрады. Маған білім беріп, бағыт-бағдар көрсеткен, әрқашан қолдау білдірген ұстазыма шексіз алғысым бар. Ұстаз еңбегі — ұрпақ болашағы! Алғысым шексіз, ұстазым! 💐