Муайтайдан Әлем чемпионы Серік Али Асылұлын еске алуға арналған (06.01.2005–24.12.2024) қалалық турнирде мектебіміздің 9-сынып оқушысы Алимбаев Ахмет үздік өнер көрсетіп, I орын иеленді! Жас спортшымыздың жеңісі — еңбектің, тәртіптің және жанкешті жаттығудың нәтижесі. Ахметке алдағы сайыстарда да тек сәттілік тілейміз!  

🏆 III Халықаралық «Зейін-2025» ғылыми жобалар байқауындағы жеңіс! 2025 жылдың 11 қазанында өткен III Халықаралық «Зейін-2025» ғылыми жобалар байқауына 15-тен астам елден 500-ден астам мектеп оқушылары мен колледж студенттері қатысып, өзара бақ сынасты. Осы беделді халықаралық додада мектебіміздің мақтанышы, 5 “А” сынып оқушысы Мухаметджан Айару математика бағыты бойынша үздік нәтижеге қол жеткізіп, I орынды иеленді. Жүзден жүйрік шығып, халықаралық деңгейде іргелі ғылыми жобасын қорғаған Айару

«Республикалық референдум туралы не білуіміз керек?» тақырыбында бүгін біріңғай сынып сағаттары өтті. Іс-шара барысында оқушылар референдумның мәні, маңызы, оның ел дамуындағы рөлі туралы жан-жақты ақпарат алды. 

8 желтоқсан күні “Адал азамат” бағдарламасы бойынша 1-11 сыныптар арасында біріңғай сынып сағаттары өтті. Мақсаты:Оқушыларды адал еңбек етуге, табандылық пен жауапкершілікке тәрбиелеу; •Адал еңбектің адам өміріндегі маңызын түсіндіру; •Өз елінің дамуына үлес қосатын, еңбекқор және әділ азамат болуға бағыттау.  

 8 желтоқсан күні «Алматы – таза қала» бағдарламасы аясында сынып сағаттары өткізілді. Іс-шара барысында оқушылар экологиялық мәдениетті сақтау, қоршаған ортаны таза ұстау және табиғатқа жанашырлықпен қарау туралы білімдерін толықтырды.

 “Жеке қауіпсіздік” бағдарламасы бойынша 1-11 сыныптар арасында біріңғай сынып сағаттары өтті.

8-сынып оқушыларымен сейсмикалық жаттығу сәтті өткізілді. Дабыл жүйесі қосылған сәтте оқушылар төтенше жағдай кезіндегі әрекет ету тәртібін пысықтады. *Жаттығу барысында:* - Оқушылар сабырмен әрекет етті; - Үстел астына немесе қауіпсіз орынға жасырынды; - Мұғалімнің нұсқауын тыңдап, эвакуация тәртібімен қауіпсіз жерге шықты; - Бекітілген жинау орнына барып, толық есеп жүргізілді. Мақсат – жер сілкінісі кезінде оқушылардың қауіпсіздігін қамтамасыз ету және жылдам әрекет ету машығын қалыптастыру.

Өзін-өзі басқару ұйымының ұйымдастыруымен “Бірлігі күшті ел озады”тақырыбында  ұстаздар мен оқушыларға сұрақ қойып,апта дәйек сөздерін дәріптеді.  Мақсаты : Әр адамның бойында өз Отанына деген құрмет, мақтаныш сезімдерін тудырып, тәуелсіздігімізді бағалай білуге бағыттады.

Зорлық-зомбылықсыз 16 күн науқаны аясында, 4 «А, Ә» сыныбымен «Буллингке қарсы - достық» тақырыбында  тренинг жүргізілді.  Мақсаты: оқушыларға буллингтің зиянын түсіндіру, қиын жағдайда бір-біріне қолдау көрсетуді үйрету.

4 желтоқсан күні 2 «Ә» сыныбымен «Менің эмоцияларым» тақырыбында тренинг өтті.  Мақсаты: Оқушыларға эмоция түрлерін таныстыру, өз сезімін тану, айту дағдыларын дамыту, эмпатияны қалыптастыру.